Boçi: Nuk mund të kapen peshqit me peshkatar Ramën

Deputeti i PD-së, Luçiano Boçi u shpreh se protesta e 27 janarit ishte një nga protestat më të mëdha të opozitës në Shqipëri për nga masiviteti. Ai nënvizoi se debati për numrin e pjesëmarrësve është për të minimizuar mesazhet politike.

Sipas tij protesta duhet parë pikërisht për dhënien e mesazheve dhe menaxhimin të zemërimit të qytetarëve të cilët janë të zhgënjyer nga kjo politike, tha ai në një intervistë për ”Shqiptarja.com”.

”Ka nevojë për konfigurim të ri politik”,-tha Boçi ”sepse parlamenti dhe qeveria janë ilegjitime, ato kërkojnë të realizojnë politika për një grup të caktuar njerëzish”.

Boçi tha se deklaratat për të kapur “peshqit e mëdhenj” ishin rrugë strategjike për të hedhur ujë në zjarrin e ndezur, të hapur me qeverisjen për shkak të aferës së ish ministrit të brëndshëm, Tahiri. Zgjedhja e kryeprokurores- përfundoi Boci- ka sfumuar dhe ka lënë në harresë disa raste. Njerëzit presin drëjtësi por drejtësia sociale është një iluzion.