Bode kritikon hapur: Basha e përdori PD-në për konsolidimin e tij. Jemi në momente dramatike

Ish Ministri i Financave, Ridvan Bode ka kritikuar hapur lidershipin e Lulzim Bashës, duke thënë se kreu ai e përdori për 4 vite me rradhë selinë blu, për të konsoliduar pozitat e tij dhe jo për ta bërë fitimtare në zgjedhje.

I ftuar në Abc News, Bode u shpreh se përçarja në PD ka nisur me urdhërin e famshëm të Bashës para 3 viteve, ku u ndalohej cdo përfaqësuesi  që kishte qenë pjesë e grupit të para 2013-të, që të kandidonte për postet kyçe të PD-së. Sipas Bodes, një lëvizje e tillë përçau demokratët dhe la vulnerabël të gjithë infrastrukturën e PD-së.

Bode është shprehur gjithashtu se e gjithë struktura e PD-së ka mbetur apatike dhe nuk mund të përballojë zgjedhjet, një shenjë kjo që Bode e sheh edhe tek rezultati i thellë me të cilin humbi PD më 25 qershor. Bode ka theksuar se aktualisht, PD është në momentin e tij më delikat. “PD ndodhet në momentin më delikat e më të rrezikshëm që është gjendur ndonjëherë. Në 25 qershor pësoi humbjen më të thellë, ndodh për herë të parë që kjo parti të bjerë gjatë kohësh që është në opozitë…

Rënia e pandaluar e mbështetjes elektorale përbën shqetësimin më të madh dhe ngjarjen më dramatike. E kemi përjetuar këtë si një periudhë ku zoti Basha kërkonte me cdo kusht konsolidimin e pozitave të tij në parti dhe jo që të çonte përpara dhe drejt fitores PD-në. Ai urdhër që të gjithë kryetarët e seksioneve, grupseksoneve, degëve, deputetëve etj të mos merrnin pjesë e dëmtoi dhe përçau PD-në … vetë Basha ka qenë pjesë e qeverisjes së PD-së në atë kohë.

Strukturat qendrore dhe lokale të PD-së mbetën apatike. Deputetët e hoqëen të gjuithë nga zonat e tyre,u bë një përmbysje vetëm për të krijuar një mbështetje për Lulzim Bashën.”-tha Bode. Po për ringritjen e strukturave, Bode është shprehur se Basha ka deklaruar se do të kryente ripërtëritjen e selisë blu në të gjitha strukturat, por për ish ministrin e Financave, kjo ka qenë më shumë retorikë politike. “Basha nuk i çonte kurrë deri në fund veprimet e tij. Kishte një diferencë të madhe mes retorikës dhe veprimeve.”-tha Bode.