“Bosët shqiptarë të krimit” përdorin jahte luksoze për të kaluar emigrantët. Zbulohet çmimi biletës

Këtë të dielë, radhën për të shkruar për shqiptarët dhe rrugën për në Britani, e ka një investigim i “Mail on Sunday”. Kjo media ka zbuluar se emigrantët shqiptarë kanë gjetur një rrugë tjetër për të shkuar në Angli, jo me kamion e gomone, por me jahte luksoze.

Një trafikant ofroi një vend në një jaht që largohej nga Belgjika këtë fundjavë për 17,000 paundë, ndërsa një tjetër tha se kishte vend ​​në një jaht që nisej nga afër Calais për 16,000 paundë.

Trafikantët e qenieve njerëzore po përdorin rrjetin social TikTok për të joshur emigrantët që të shkojnë në ishull me jahte luksoze dhe mos të rrezikojnë jetën me varka e gomone.

Javën e shkuar janë identifikuar tre trafikantë, të cilët përdorin rrjetin social TikTok për të gjetur emigrant të cilët duan të shkojnë në Britani me jaht, duke kaluar nga porti i Francës, Belgjikës dhe Holandës. Një zëdhënës i TikTok ka thënë se ka ndaluar llogaritë ku reklamohet trafikimi i qenieve njerëzore.