Braimllari: Rama urdhëroi Drejtorin e Rendit që të dhunojë protestuesit

Deputeti i LSI-së Endri Braimllari, hedh akuzën se Kryeministri Edi Rama, ka urdhëruar Drejtorin e Rendit dhe Sigurisë në Drejtorinë e Policisë Gjovalin Loka, që të dhunojë protestuesit. Braimllari thekson se Gjovalin Loka kishte frikë të dilte nga zyra e komisariatit ku e mbyllte krimi i organizuar, ndërsa tani bën trimin duke dhunuar deputetët dhe qytetarët.

Prononcimi i plotë

Me urdhër të Drejtorit të Rendit, kanë ndërhyrë forcat speciale dhe na kanë goditur. Keni pamjet live të Flamur Nokës që e ngrenë në ajër dhe pas tij kam qenë dhe unë. Është e turpshme, ai drejtor policie nëse është aq burrë dhe aq trim, të vinte rendin dhe sigurinë publike në Shkodër dhe jo të fshihej nëpër komisariate. Se kishte frikë të dilte nga zyra e komisariatit se e mbyllte krimi i organizuar dhe bandat në komisariat. Dhe mos të vijë të bëjë trimin me forcat speciale duke dhunuar jo vetëm deputetët por dhe qytetarët.