Bushati: Keqardhje që BE nuk hapi negociatat

Ish-ministri Ditmir Bushati ka reaguar vendimin e Bashkimit Europian për mos hapjen e negociatave. Ndryshe nga kryeministri Edi Rama që e cilësoi lajm pozitiv, Bushati shprehe keqardhjen që BE nuk mori vendimin e duhur për integrimin e Shqipërisë.

“Është për të ardhur keq që vendet anëtare të Bashkimit Europian nuk iu përmbajtën konkluzioneve të tyre të qershorit 2018, për çeljen e negociatave për anëtarësim në BE me Shqipërinë në qershor të 2019. Gjithsesi, rruga mbetet e hapur për në Tetor 2019 dhe Shqipëria e dedikuar me reformat që kanë lidhje me këtë proces”,- shkruan Ditmir Bushati.