Debati për zgjedhjet e PD-së, zbulohet pse Berisha s’kërkoi shtyrje

Ish kryetari i PD-së, Sali Berisha ka rënë në heshtje në lidhje me ngjarjet e fundit që po ndodhin brenda PD-së.

Por Berisha nuk ka folur as për datën e zgjedhjeve, gjë që le për të kuptuar që ka qënë dakord për këtë datë.

Për këtë heshtje ka folur Eduar Selami, i cili ka deklaruar se Berisha është pro datës 22 korrik, pasi sipas tij sa më e shkurtër të jetë koha për zhvillimin e zgjedhjeve aq më pak përçarje do të ketë brenda PD-së.

“Berisha beson se sa më e shkurtër të jetë koha për zhvillimin e zgjedhjeve të brendshme, aq më shumë largohet mundësia e përçarjes.
Ndërkohë që unë e shoh ndryshe. Por kjo nuk mund të diskutohet tani, pasi atë e ka vendosur kryesia.

Atë që thotë z. Patozi, që unë të tërheq kandidaturën, unë nuk e quaj rrugën e drejtë këtë. Por unë nuk e paragjykoj atë”, -u shpreh Selami.