Dekriminalizimi, Braçe: Po Berisha dhe Basha për vrasjet e 21 Janarit?

Deputeti socialist, Erjon Braçe, përmes një statusi në rrjetin social Facebook ka lidhur ligjin për dekriminalizimin e Kuvendit dhe politikës me vrasjet e ndodhura rreth 4 vite më parë (21 Janar 2011) në bulevardin “Dëshmorët e Kombit”, ku 4 protestues të opozitës u qëlluan me armë zjarri.

Brace shkruan se nuk ka krim më të rëndë sesa vrasja e Kryer nga Kryeministri dhe ministri i Brendshëm i asaj kohe, që sot janë në politikë, ndërsa ngre pyetjen nëse ligji për dekriminalizimin do t’i përfshijë edhe ata.

“A është krimi më i rëndë që mund të ndodhë në një vend, vrasja e kryer nga Kryeministri, ministri i Brendshëm, Komandanti i gardës, drejtuesi i Komandos së Gardës?! Kudo, natyrisht që po, ky është!! 4 vite më parë në këtë vend, mu në Bulevardin e vetëm të këtij vendi, para selisë së Kryeministrit, me urdhër të tij të pranuar botërisht;

Janë pushkatuar me armë të Qeverisë 4 qytetarë shqiptarë tërësisht të pafajshëm, por kundërshtarë të Kryeministrit dhe Qeverisë së tij!!

Ai Kryeministër është në Kuvend, ai minister i Brendshëm është në Politike dhe kryetar i partisë më të madhe të opozitës, kryetar i Bashkisë së kryeqytetit njëherësh.

Tani kam një pyetje: a do dekriminalizohet politika dhe Kuvendi nga këta të dy apo jo? Nga pergjigja varet vota ime për një ligj që po hartojnë vartësit e këtyre të dyve!! (zarat domethëne, meqë një deputet ka futur në mode zhargonin vendas)”, shkruan Braçe në rrjetin social Facebook.