Deputeti i LSI: Derisa sindikatat luajnë rolin e “këlyshit” të qeverisë, minatorët e naftëtarët janë jetimë! 

Deputeti i LSI-së, Përparim Spahiu reagon pas deklaratës së Konfederatës së Sindikatave të Shqipërisë. Ndërsa u arrit marrëveshja, KSSH-ja akuzoi LSI e disa OJQ se tentuan të manipulojnë naftëtarët, ndërsa Përparim Spahiu thotë se sindikatat luajnë rolin e këlyshëve të qeverisë.

Ai tha se ndonëse LSI-ja nuk e udhëhoqi atë protestë, nuk hiqte dorë nga miratimi i statusit si garanci supreme që ndalon keqtrajtimin e këtyre punonjësve!

STATUSI I PLOTE

“Për sa kohë që sindikatat luajnë rolin e “këlyshit” të qeverisë, minatorët e naftëtaret janë jetimë!

Do doja shumë që LSI dhe opozita të ishte në ballë të atij marshimi, por për fat të keq nuk jemi!

Nuk heq dorë nga miratimi i statusit si garanci supreme që ndalon keqtrajtimin e këtyre punonjësve!

Këlyshet dhe padronët e tyre qeveritarë janë kundër naftëtarëve dhe minatorëve. Opozita duhet të vihet te ballë të tyre….”.