Deputeti i Partisë Demokratike: Koalicioni me PS i pamundur

Deputeti i Partisë Demokratike, Luçiano Boçi, ka folur për një koalicion të mundshëm mes PS dhe PD gjatë qeverisjes së katër viteve të ardhshme.

Boçi e mohoi një gjë të tillë, duke thënë se kjo është një zhurmë mediatike dhe nuk ka asgjë konkrete.

Në një intervistë për “Dita”, deputeti tha se është absurde që një forcë politike, e cila ka fituar shumicën në Parlament e vetme, të kërkojë koalicione.

“Është një koalicion i përfolur pa ndonjë bazë konkrete. Më shumë mediatik se sa politik, i cili i referohet relativizimit të gjuhës politike të kryeministrit se sa një dokumenti politik konkret. Është absurde që një forcë politike e cila ka fituar e vetme shumicën e vendeve në parlament të kërkojë koalicione. Boshllëkun e fitores së saj nuk e mbushin koalicionet, por vërtetësia e votës e cila sot është nul. PS nuk mund të pagëzohet në lumin e PD”, theksoi Boçi./