Deputeti i PD: Prokuroria iu bind urdhrave të Ramës

Klevis Balliu, deputetet i Partisë Demokratike, ka reaguar në lidhje me protestën e djeshme të opozitës para Parlamentit dhe akuzat penale të ngritura ndaj tij nga policia e Tiranës.

Në një status në Facebook, Balliu shprehet: Sot Prokuroria tregoi se i bindet urdhrave politik të IL CAPO DEI CAPI duke lëshuar fletë-rrufetë si në kohën e etërve të tyre, për arrestimin e protestuesve dhe ndjekjen penale për deputetët e opozitës.  

Reagimi i plotë

Edvini mendon se na impresionon! QESHARAKE

Frika në palcë e qeverisë së krimit.

SOT Prokuroria tregoi se i bindet urdhrave politik të IL CAPO DEI CAPI duke lëshuar fletë-rrufetë si në kohën e etërve të tyre, për arrestimin e protestuesve dhe ndjekjen penale për deputetët e opozitës.

Jam krenar që s’më do policia e krimit dhe qeveria e drogës.

Me ne merruni gjithë ditën, sepse do të na keni gjithnjë përballë por duhet të lini të qetë qytetarët të cilët u bashkuan në protestë kundër narkoshtetit.

I bëj thirrje organeve kompetente që të lirojnë nga burgu protestuesit. Lironi nga burgjet e drogës shqiptarët, të rinj e të reja, burrat e gratë e këtij vendi që kërkojnë drejtësi.

Ne do të na keni përballë.

Edvin s’ke parë gjë akoma!