Detajet e bisedimeve te Pallati i Kongreseve: Zgjedhjet drejt 16 korrikut

Duket se 16 korriku do të jetë data e zgjedhjeve parlamentare pas marrëveshjes Rama-Basha dhe pranimin e paketës “McAllister +”.

Data e zgjedhjeve që pritet të zyrtarizohet sot pas takimit tjetër mes dy liderëve të PS-PD është pikërisht 16 korriku, një datë kjo e parashikuar në paketën e risjellë në tryezë nga zëvendës ndihmës sekretari amerikan i shtetit Hoyt Brian Yee gjatë vizitës zyrtare në Tiranë.

Marrëveshja mes palëve u arrit rreth orës 1 pas mesnate, kur Rama e Basha dolën të dy dhe dhanë një deklaratë të shkurtër për mediat duke pranuar dakordësinë 100% me njeri-tjetrin por pa detaje teknike dhe datë të saktë zgjedhjesh.

/BW