Dhuna në Shkozë/Deputetja e LSI: Prisni, prisni! Nuk keni parë gjë akoma

Situata me banorët e Shkozës, aty ku banesat e tyre do të prishen si pjesë planit që i kap nga rregullimi i “Unazës së Madhe”, ka nxitur akuza mes maxhorancës dhe opozitës. Deputetja e LSI-së, Kejdi Mehmetaj ka reaguar ndaj qëndrimit të fundit të deputetes së PS-së Elona Gjebrea për banorët e Shkozës, deputete edhe e zonës.

Sipas saj, deputetja e PS-së ndihet fajtore përballë premtimeve që u ka bërë qytetarëve, po ky kryeminstri sipas Mehmetaj:As skuqet, as zverdhet e as nuk mban përgjegjësi tani që e mori edhe timonin edhe tepsinë”.

Statusi

Mosrakordimi ndërmjet qëndrimeve të deputetes Elona Gjebrea dhe kryeministrit është thjeshtë mungesë komunikimi për të qartësuar gënjeshtrat e rradhës, apo zgjedhje me dashje për të vazhduar lojën me banorët e Shkozës.

Ky grupi ndërinstitucional është thjesht fantazi e deputetes së pa mësuar ende me Kryeministrin që nuk do tja dijë për qytetarët. Kur u kërkuan votën banorëve të Shkozës nuk e kishin të qartë Rama dhe njerëzit e tij se ndërtimet ishin të paligjshme.

Ndoshta deputetja ndihet fajtore përballë premtimeve që u ka bërë qytetarëve, po ky kryeminstri që as skuqet, as zverdhet e as nuk mban përgjegjësi tani që e mori edhe timonin edhe tepsinë.