Dibër, Salianji mbledh strukturat për listën e kandidatëve

Demokratët kanë nisur me shpejtësi organizmin për zgjedhjet e 25 qershorit edhe në Dibër, ku Koordinatori i PD për qarkun, Ervin Salianji mblodhi sot strukturat për të përzgjedhur kandidatet e mundshëm për deputetë.

“Ne jemi të sigurt që me këto kandidatura që kemi, PD fiton më shumë se 4 mandate deputetësh në Dibër. Sistemi elektoral dhe pa koalicione elektorale e favorizon Partinë Demokratike, e cila do të jetë forcë e parë në Dibër”,-tha ai.

Sipas koordinatorit Salianji në përzgjedhjen e kandidatëve do të ketë peshë mendimi i çdo anëtari të degës së PD në Dibër, ndërkohë që shprehet i sigurt për fitore pasi, siç thotë, PS është inekzistente në këtë qark.