Diplomati grek: Ballkani s’mund të jetë rezervuar i fuqisë së lirë punëtore për BE

Ministri i Jashtëm Plotësues i Greqisë, Giorgos Katrougalos përfaqësoi Greqinë në samitin informal të Kryeministrave të vendeve të Ballkanit Perendimor (WB6), në Durrës.
Tema kryesore e takimit ishte nxitja e integrimit ekonomik rajonal. Ministri i Jashtëm Plotësues në fjalën e tij iu referua qëndrimit të palëkundur grek në favor të perspektivës europiane të vendeve të Ballkanit, duke theksuar nismat e fundit për mbështetjen e stabilitetit politik dhe bashkëpunimit ekonomik në rajon.
“Shembull domethënës i kësaj politike ishte marrëveshja e Prespës, por Greqia ka zhvilluar në mënyrë sistematike marrëdhëniet e saj dypalëshe dhe shumëpalëshe me të gjitha vendet e rajonit dhe ka bërë marrëveshje ndihme nga eksperienca e saj më të gjitha vendet ballkanike kandidate për në BE”,- tha Katrogulas.
Diplomati grek shtoi se Greqia mbështet dhe nxit me zell politika integrimi dhe ndërveprimi ekonomik, veçanërisht në fushat e trasnportit dhe të energjetikës.
Katrougalos nënvizoi, gjithashtu, se “së bashku me dimensionin ekonomik të zhvillimit, duhet ti jepet rëndësi e veçantë dhe anës së saj sociale. Nuk do jetë në interesin e popujve të rajonit që ata të jenë rezervuarë i fuqisë së lirë punëtore për vendet e tjera europiane. Përkundrazi, do të duhet të synojnë të nxjerrin në pah avantazhet e tyre strategjike krahasuese në përmirësimin e produktivitetit, nëpërmjet investimeve në kapitalin njerëzor dhe politikave të fuqizimit të shtetit social,të drejtave dhe aftësive të punëtorëve të tyre”.