Djali i Berishës ngacmon Ramën: Lepuri brenda të marrit e di mirë se nuk mund të ketë zgjedhje pa opozitën

Shkëlzen Berisha, djali i ish-kryeministrit Sali Berisha, ka reaguar pas vendimit të kryeministrit Edi Rama për të tërhequr nga gara kandidatin për zgjedhjet për kreun e ri të Bashkisë Kavajë.

Përmes një postimi në rrjetin social “Facebook”, djali i ish-kryeministrit thumbon kryeministrin Rama, duke u shprehur se zgjedhje pa opozitën nuk mund të ketë.

“Lepuri brenda të marrit e di mirë se nuk mund të ketë zgjedhje pa opozitën”, shkruan Shkëlzen Berisha.

Në deklaratën për mediat pasditen e sotme, kreu i qeverisë i përcoll kryedemokratit Basha mesazhin se do të ketë afat deri të dielën më 7 maj që të arrijnë një marrëveshje. Në të kundërt sipas Ramës, duke filluar nga 8 maji do të nisë fushatën zgjedhore për 18 qershorin. Sipas Ramës, me apo pa PD, zgjedhjet parlamentare do të zhvillohen më 18 qershor, siç është dekretuar nga presidenti.