Dokumenti/Luan Rama: Zhdukja e Akademisë u projektua para 25 qershorit

Zëvendëskryetari i LSI-së, Luan Rama ka publikuar një dokument të qeverisë që tregon se projekti për shkrirjen e Akademisë së Shkencave, që u langua me dy mesazhe në Faebook nga Kryeministri Edi Rama dy ditë më parë, ka qenë i programuar shumë më herë.

“Farsa e Akademisë” qenka farsë e qeverisë! Në dokumentin e më poshtë,  projekt i Qeverisë së Tepsisë, është parashikuar përpara zgjedhjeve të 25 qershorit zhdukja e Akademisë së Shkencave! Siç vërehet, nën Ministrinë e Arsimit, Kulturës, Inovacionit, Rinisë dhe Sporteve që do të krijohet, është parashikuar edhe Qendra Kombëtare e Kërkimit Shkencor, në të cilën do të përfshihen Akademia e Shkencave + Qendra e Studimeve Albanologjike + shumë institute për kërkim shkencor!”,- shkruan Luan Rama në Facebook.

Sipas dokumentit të publikuar nga Luan Rama, projekti parashikon që Akademia e Shkencave të jetë në varësi të Ministrisë së Arsimit.

Ndaj qëndrimet që ka mbajtur kryeministri Edi Rama dy ditët e fundit lidhen vetëm me projektin qeveritar dhe jo nevojën për reformimin e qeverisë. Sepse Akademia e Shkencave, në rregulloren e saj ka si kriter pavarësinë nga ekzekutivi.