Drejtësia, më 20 shtator përzgjidhen kandidatë për KLGJ dhe KLP

Kuvendi i Shqipërisë bën thirrjen e mbledhjes së posaçme të drejtuesve të institucioneve të arsimit të lartë për përzgjedhjen e kandidatëve për Këshillin e Lartë Gjyqësor dhe Këshillin e Lartë të prokurorisë.

Mbledhja është thirrur për më datë 20 shtator dhe rendi i vetëm i ditës së asaj mbledhje është kjo çështje.

Shkresa, që mban firmën e sekretarit të Përgjithshëm Alban Brati, parashikon që mbledhja të realizohet në datën 20 shtator në orën 12, në Kryesinë e Kuvendit.

Në këtë mënyrë duket se do të rinisë procesi për reformën në drejtësi dhe konstituimit të institucioneve të reja.