Edi Rama: Kryetar Parlamenti do jetë Gramoz Ruçi

Edhe pse emrat e ministrave të rinj do të mësohen në muajin shtator pas analizës pas zgjedhore, emri i Kryeparlamentarit të ri u mësua nga vetë kryeministri Edi Rama. I ftuar në “Top Story”, ai konfirmoi se për të, Ruçi është 100 % emri që duhet të drejtojë Parlamentin.

“Uroj mos të kem telefonatë pas emisioni, pse s’më ke thënë mua”, tha Rama, duke nënkuptuar kështu, se këtë vendim të tijin nuk e ka konsultuar më herët me Gramoz Rucin, deputetin e Fierit, njëherësh kryetar i grupit parlamentar të Partisë Socialiste.