Edi Rama nuk ndalon, edhe sot me “kadrinjtë” (VIDEO)

Kryeministri Edi Rama, përmes një videoje në facebook, ka folur për herë të parë për ish-ministrin e Financave të PD dhe sesi e bindi Ridvan Bode që të pranonte propozimin për anëtar të Këshillit Mbikëqyrës të Bankës së Shqipërisë.

Reagimi i Ramës u nxit pas një komenti të një ndjekësi në rrjetin social, i cili i drejtohet Ramës se me emrin e Ridvan Bodes po bën diverson ndaj demokratëve. Dyshimet janë se këto komente e “popullit” i thur vetë Rama, përbukuri, në mënyrë që të dalë te personi që do të “masakrojë”  apo te ideja që do të përçojë.

Sidoqoftë një Ismet London i shkruan Ramës: “O pall shif ato qi s’kanë buk me honger si i ke lon ke rruga me polica dhe do me ju prish shpiat dhe mos bo diverzion me Ridvan trathtarin se nuk i ha populli manovrat tuja!; ke për të ik zvarr o legen”.

Nga ana e tij, Rama thotë se komunikimi i tij i vetëm me ish-ministrin e PD, ka qenë përmes një mesazhi telefonik, të cilit Bode siç shprehet Rama i është përgjigjur pozitivisht.