Edi Rama u përgjigjet të gjithë kritikëve: Ju nuk dini çfarë flisni

Nga qyteti i Durrësit, në një takim me socialistët Edi Rama i është rikthyer debatit për listën e zyrtarëve të korruptuar që publikoi në Faceook.

Kryeministri tha se lista është publike dhe denoncimet kanë qenë në facebook. “Kjo nuk është fletërrufe. Të gjithë ata që kritikojnë u them që nuk dinë se çfarë flasin. Ne synojmë të ndërtojmë në administratë të përgjegjshme”,- tha Edi Rama.

Publikimi i emrave të 100 zyrtarëve që sipas Kryeministrit kanë abuzuar me ligjin duke u bazuar në denoncimet anonime në Facebook ka sjellë reagime të shumta. Nuk janë vetëm qytetarë dhe partitë politike që e cilësojnë si një gabim moral shpalljen fajtorë të zyrtarëve vetëm mbi bazë denoncimesh anonime. Juristë dhe përfaqësues të Komitetit Shqiptar të Helsinikit e cilësojnë publikimin e kësaj liste si një shkelje ligjore nga Kryeministri Edi Rama.