Edmond Panariti: Basha, zëdhënësi i Rilindjes

Ministri i Bujqësisë, Edmond Panariti, gjatë një prononcimi për mediat në Korçë, pasi vizitoi një kompani e cila ka përfituar fonde nga skemat e financimit të Ministrisë se Bujqësisë, i është përgjigjur edhe akuzave, edhe personale te kreut të opozitës, Lulzim Basha, të bëra sot nga Dibra.

“E dëgjova sot zëdhenesin e Rilindjes, teksa fliste për bujqësinë dhe akuzonte mua si ministër bujqësie për ceshtje fondesh, për mungesë subvensionesh etj. Por, ai nuk e di, se si e gjetëm bujqesinë kur e morëm pushtetin ne 2013, me një mbështetje  qesharake, si asistence sociale. E gjetëm në raportet e import-eksporteve 1 me 7, e gjetëm në një gjendje mjerane. Ndërkohë që shumëfishuam sipërfaqet e serave, trefishuam prodhimin e brendshem, shtuam subvensionet e grandet e sot bujqesia është rritur ndeshëm. Po ashtu, 3-fishuam eksportet e produkteve bujqësore etj”, theksoi Panariti.

Më tej, në lidhje me mungesën e fondeve në bujqësi, Ministri Panariti ripërseriti shqetësimin e tij. “Ne kemi kërkuar rritje fondesh, kemi kërkuar shtim të tyre por nuk na është dhënë. Por, kur ne të marrim pushtetin, do të 5-fishojme fondet per bujqësinë dhe do ta lehtësojmë atë nga taksat, duke ia bëre zero. Kjo është edhe një nga pikat e forta te programit të LSI”, tha Ministri i Bujqësisë.

Ndërkohë iu përgjigj edhe një tjetër akuze personale të bërë nga Basha, nga Dibra. “E dëgjova teksa përgojonte sot emrin tim. Por, ne këtë rast, Basha nuk e ka me mua, por me panaritasit, banorët e një treve me histori te shquar në historinë e Shqipërisë, një zone me tradita dhe patriotike. Jam i sigurt se, panaritasit do t’ja kthejne këtë dhe do te dinë si të përgjigjen në 25 qershor”, theksoi Ministri.

Z.Panariti vizitoi sot në Korçë, kompaninë Pro-Fast, e cila ka në fokus perpunimin e mishit për fast-food dhe eshte zgjeruar me subvension nga Agjencia e Zhvillimit Bujqesor, Rural, 15 milionë lekë të reja.