Efektet e paktit PS-PD. Hiqen reklamat me pagesë për televizionet private

Pas marrëveshjes së 18 majit mes kryedemoratit Lulzim Basha dhe kryeministrit Edi Rama për t’i dhënë fund krizës politike, PS dhe PD po përgatisin një projektligj, si pjesë e paktit mes tyre, ku detyrohen televizionet private të transmetojnë reklama falas për partitë politike gjatë fushatës elektorale.

Sipas marrëveshjes mes PS dhe PD, televizionet private duhet të transmetojnë 90 minuta reklama falas për partitë e mëdha dhe 10 minuta reklama falas për partitë e vogla.

Marrëveshja pritet të kalojë për miratim nga Kuvendi gjatë seancës së sotme.

Dy televizionet informative, News 24 dhe Report TV më raportimin për këtë projektligj e cilësojnë si skandaloz.