Fatos Klosi mbështet në Tiranë kandidaten e LSI që krenon mallakstriotët

“Jam krenare për rrënjët e mia mallakastriote, – u shpreh Kejdi Mehmetaj, – dhe ju falënderoj për besimin dhe mbështetjen që i jepni LSI-së si një forcë e të ardhmes”.

Ndërsa, Kryetari i Kuvendit, Ilir Meta shprehu krenarinë që në krye të listës së LSI-së për Tiranën është një përfaqësuese kaq dinjitoze e rinisë si Kejdi Mehmetaj, e cila gjatë mandatit të saj si deputete tregoi vlerat më të mira që kanë të rinjtë tanë dhe ishte një avokate e shkëlqyer e çështjeve, që shqetësojnë më shumë rininë tonë si arsimi dhe punësimi.

“Po kështu – u shpreh Meta, – ajo inicioi hartimin dhe miratimin e Ligjit për vullnetarizmin duke dëshmuar një kulturë të re për të cilën kanë nevojë të rinjtë tanë, atë të solidaritetit dhe socializmit”.

Sakaq, Meta falënderoi mallakastriotët për përkrahjen që i kanë dhënë LSI-së që nga krijimi i saj, ku vlerësoi kontributin e shquar të Prof. Fatos Klosit si një nga themeluesit kryesorë të LSI-së.

Në këtë takim foli edhe Prof. Fatos Klosi, i cili duke mbështetur kandidaturën e Kejdi Mehmetaj vlerësoi mbështetjen dhe besimin që LSI-ja u jep të rinjve e te rejave.