Fitorja e PS, Manjani‏: Ka një të mirë kur i merr të gjitha – I lë të gjitha, siç i merr

Ish-ministri i Drejtësisë Ylli Manjani vijon të komentojë fitoren e Partisë Socialiste dhe Edi Ramës në zgjedhjet e 25 qershorit.

Duke ironizuar alibitë që Rama përdori gjatë fushatës së tij me argumentin e “tepsisë së pushtetit”, duke fajësuar aleatët e tij në qeverisje që sipas tij ia kishin bërë të pamundur ndërmarrjen e reformave, Manjani shprehet se rezultati i së dielës e ka një të mirë.

Sipas Manjanit e mira e fitores së PS-së lidhet me faktin se tashmë ajo nuk do ketë asnjë alibi për të justifikuar dështimet e pritshme të saj.

“Ka një të mirë kur i merr të gjitha: I lë të gjitha,siç i merr! Kështu që le ti mbajnë,që të kenë çfarë të lënë! S’ka më alibi që “e pengojnë””- shkruan Manjani në reagimin e tij në faqen zyrtare në rrjetin social “Twitter”.