FOTO/ Rama ironizon Bashën me humbjen e Le Pen: Do ngrej çadrat tek kulla Eiffel

Emmanuel Macron u zgjodh Presidenti i ri i Francës.

Pas raundit të dytë të zgjedhjeve të zhvilluara ditën e djeshme, kandidati i qendrës së majtë fitoi me 65.5 % përballë kundërshtares së tij populiste të ekstremit të djathtë Marine Le Pene, me 34.5% të votave.

Por humbja e thellë e Marine Le Pen nuk ka lënë mënjanë ironinë e kryeministrit Rama i cili indirekt me anë të Le Pen ka thumbuar mbremjen e djeshme liderin e PD-së, Bashën dhe pikërisht për pikën e tij më të “fortë” çadrën.

Me anë të një statusi në rrjetin social “facebook”, Rama ka postuar një foto të Marine Le Pen, ku diçitura e fotos është: “Që sot do të ngrejë çadrat te kulla Eiffel dhe do të kërkoj numërim elektronik.”