Garda porosit makinë të blinduar për Kryeministrin

Garda e Republikës ka planifikuar 1 milion euro shpenzime për blerje automjetesh. Në kërkesën e blerjes, drejtuar një kompanie shqiptare, bie në sy një porosia për një mjet të veçantë transporti me vlerë mjaft të lartë monetare.

Bëhet fjalë për një makinë me vlerë 357 milionë lekë, e cila ka specifika të veçanta. Portali TPZ.al i gazetarit Ylli Rakipi shkruan se kërkesa e gardës është që makina e tipit foristradë të jetë blinduar dhe do të përdoret nga Kryeministri Edi Rama.

Në kërkesën e Gardës jepen detaje që kanë të bëjnë që nga ngjyra, marshet, por edhe lartësia e mjetit.