Genc Ruli: Marrëveshja Rama-Basha, erotiko-politike

“Marrëveshja Rama-Basha, marrëveshje erotiko-politike. Qeveria teknike nuk rezultoi e tillë.

Është bashkëqeverisje e pakuptimtë dhe këtë e tregon edhe fakti që ministrat teknikë nuk po ikin.

PD është tepër e madhe për të rënë në marrëveshje të tilla”, tha Ruli në emisionin “Përballë” në RTSH të gazetarit Lutfi Dervishit.

Ndërsa Edit Harxhi tha se “marrëveshja e 18 Majit ka mungesë transparence.

Fakti që PD-ja sulmoi LSI-në në fushatë pa patur arsye, është tregues i mungesës së transparencës.

Çdo lloj koalicioni mes PD-së dhe z. Rama më duket i pamoralshëm.

PD duhet t’i kthehet vlerave dhe traditës së saj.”

“Humbja e PD-së Ishte katastrofë! Jo vetëm humbi, por humbi shumë më tepër se zgjedhjet e fundit”, vijoi ajo.

Ervin Salianji, deputeti i Bashës, nga ana tjetër ka kritikuar ministrat teknikë.

“Vullneti politik i ministrave teknikë nuk arriti të shkojë në nivelin e drejtorive.

Shit-blerja e votës ndikoi në rezultatin e zgjedhjeve, por kjo nuk i heq përgjegjësinë PD-së”, tha ai.