Gjykata e Lartë lë në burg ish-ministrin Lefter Koka

Gjykata e Lartë lë në burg ish-ministrin e Mjedisit Lefter Koka, duke mos i pranuar kërkesën për ndryshim mase.

Ashtu si Gjykata e Apelit në 18 maj të këtij viti, edhe Gjykata e Lartë sot ka lënë në fuqi vendimin për arrest me burg për ish-ministrin Lefter Koka.

Mbi Kokën rëndojnë dy akuza ajo abuzim në inceneratorin e Fierit dhe Elbasanit.

Lefter Koka kërkoi masë më të butë sigurie me pretendimin se ka respektuar ligjin dhe nuk ka kryer asnjë shkelje gjatë dhënies me koncension për ndërtimin e inceneratorit.

Por SPAK pretendon se Koka ka përfituar përmes ryshfetit 1.2 milionë euro për ndërtimin e inceneratorit të Fierit, dhe për këtë akuzë i është vendosur masa e sigurisë arrest me burg.