Gjykata e Lartë në kolaps, 5 anëtarë të shkarkuar

Shkarkimi nga detyra i Artan Brocit pasi nuk e kaloi dot vetingun ka bërë që Gjykata e Lartë të futet në kolaps.

Aktualisht kjo gjykatë përbëhet nga 9 gjyqtarë, nga të cilët 8 anëtarë dhe kryetari Xhezair Zaganjori.

Nga këta, vetëm 4 gjyqtarë janë ende në detyrë pasi të tjerët nuk e kanë kaluar procesin e vetingut.

KPK ka shkarkuar nga detyra anëtarët e Gjykatës së Lartë, Artan Zeneli, Admir Thanza, Tom Ndreca, Shkelzen Selimi dhe se fundmi Artan Broci.

Ndërsa kryetari i Gjykatës së Lartë, Xhezair Zaganjori dhe anëtarët Ardian Dvorani, Edmond Islamaj dhe Medi Bici e kanë kaluar provimin e e vetingut.

Aktualisht Gjykata e Larte eshte ne kolaps per shkak te numrit te pamjaftueshem te anetareve por plotesimi i saj nuk mund te behet derisa te ngrihet Keshilli i Larte Gjyqesor.