Hakerat nxjerrin në shitje sekretet e Shqipërisë, tregojnë edhe çmimin

Si kurrë më parë, Shiqpëria po goditet tek të dhënat. Kështu, hakerat që kanë sulmuar institucionet shqiptare së fundmi edhe sistemin TIMS në doganat e mbarë vendit të cilët identifikohen me faqen “Homeland Justice”, kanë nxjerrë në shitje të dhënat e serverëve që ata disponojnë.

Ata ofrojnë 800 GB të dhëna për 900 dollarë. Kujtojmë që gjatë muajit korrik hakerat sulmuan administratën dhe ministritë duke bërë publike komunikimet përmes e-maileve.

Kjo do të thotë se “sekretet” e Shqipërisë tashmë mund të blihen në treg. Një tjetër fakt është se hakerat kërkojnë që pagesa për blerjen e të dhënave të bëhet përmes parasë elektronike Bitcoin, që të jetë e pamundur për tu kuptuar se ku po shkojnë këto para.