Halimi: Stafi i pamjaftueshëm për organet e vettingut, kërcënim për veprimtarinë e tyre

Pasi opozita u largua nga mbledhja e Komisionit Parlamentar të Ligjeve, deputeti demokrat Eduard Halimi në një prononcim para mediave është shprehur kritik ndaj vendimit të sotëm të këtij komisioni.

Sipas Halimit, mosvënia në dispozicion e stafit të mjaftueshëm për organet e vettingut, do të përbënte kercenim ndaj veprimtarisë tepër të rëndësishme të tyre.

Deputeti Eduard Halimi deklaroi se: “Shprehemi kundër përpjekjes së mazhorancës për të shkurtuar numrin e punonjësve të propozuar nga vetë organet e rivlerësimit, sic ka sugjeruar relatorja e komisionit dhe si ka ardhur drafti i mazhorances.”