Helena Kadare, mesazh të rinjve për t’u vaksinuar: Ne i shpëtuam kësaj murtaje falë vaksinës, por çfarë na duhet jeta pa ju

Ministrja e Shëndetësisë, Ogerta Manastirliu, ka publikuar mesazhin ndërgjegjësues të shkrimtares së njohur Helena Kadare, drejtuar të rinjve për t’u vaksinuar sa më parë kundër Covid 19.

“Ne të rriturit i shpëtuam kësaj murtaje në sajë të vaksinës. Por, në një bilanc të shkurtër, çfarë na duhet neve jeta pa nipërit e mbesat tona? Sepse tani vala po godet ata. E kam të pamundur t’i gjej logjikën refuzimit të vaksinës prej tyre. Është njësoj si t’i thuash Jetës jo,në favor të mosqënies! Kaq e thjeshtë”, shkruan Kadare në mesazhin e saj.