Ironia e Manjanit: Fajin e kanë turistët që mbyten, jo qeveria

Ish-ministri i Drejtësisë, Ylli Manjani ka ironizuar qëndrimin e institucioneve dhe qeverisë lidhur me situatën e sigurisë në plazhet e vendit.

Në një postim në Twitter, Manjani shkruan se qeveria ka halle të tjera dhe nuk mund të merret me sigurinë e qytetarëve.

“U mbytëm me turistë që mbyten çdo ditë! Vetë e kanë fajin që mbyten! Qeveria e vjetër ka halle të tjera. Qeveria e re ngeli për vjeshtë…”,- shkruan Manjani.

Ndërkohë, po sot ka reaguar dhe kreu i deputetëve të LSI-së, Petrit Vasili ka reaguar për situatën e krijuar në vend na temperaturat e larta dhe mungesën e sigurisë në plazhe.

Në një koment në Facebook, Vasili shkruan se kryeministri bën llogje nëpër dëgjesa.

“Shqipëria digjet në dhjetëra vatra zjarri në të gjithë vendin. Mijëra turistë pa drita në plazhet e Shqipërisë. Mbyten pushues shqiptarë e të huaj përditë. Kryeministri bën llogje nëpër dëgjesa, shkurt, Shqipëria digjet e kryeministri krihet…”,- shkruan Vasili.