Ish-ministri: Euron e tronditi droga

Ish-ministri i Bujqësisë, Edmond Panariti përmes një reagimi ka lëshuar një sërë akuzash në drejtim të qeverisë.

Panariti thotë se në treg po qarkullon një valutë e lirë, që sipas tij vjen nga tregtia e drogës. Ai thekson se kjo valutë po thellon deficitin tregtar.

Reagimi i Panaritit

Valute e lirë me tepri nëpër xhepa, çanta dhe thasë. Finalja operacionale e tregtisë së drogës. Me një sistem të vetin paralel financiar, kjo masë qarkulluese po pompon lekun për t’i zënë vendin në shitblerje e transaksione. E pambështetur, nga prodhimi dhe eksportet po thellon deficitin tregtar dhe falimenton prodhuesit, bizneset. Askush nuk kupton asgjë! Ose bëjmë sikur nuk kuptojmë! Si ta shpjegojmë që leku po tejnxehet në një ekonomi në ngrirje të thellë.

Surealizëm financiar…