Johannes Hahn: Perspektiva e BE do transformojë Ballkanin

Komisioneri për Zgjerimin, Johannes Hahn pohoi se prespektiva e Bashkimit Europian është që të transformojë Ballkanin. Hahn deklaroi sot nga Trieste njërën nga arsyet kryesore për këtë është që të rinjtë të qëndrojnë në vendet e tyre dhe të mos i braktisin ato.

Duke folur në samitin e liderëve të gjashtëshes të Ballkanit Perëndimor, i cili mbahet në kuadër të procesit të Berlinit, Hahn tha se kjo do të ulte tensionet nga e kaluara.

Mes të tjerash ai shtoi se detyrë e politikës është që të sigurojë kornizën, derisa përgjegjësia për lidhje ekonomike i takon komunitetit të biznesit.