Kanabisi, Rama flet hapur: Opozita na “shkundi”, i kërkoj…

Kryeministri Edi Rama, gjatë fjalimit në kuvend për prezantimin e programit qeveritar, ka folur për opozitën dhe teksa i ka shtrirë dorën e bashkëpunimit, ka pranuar se roli i saj ka qenë real aq sa e quajti “shkundjen” e qeverisë sa i takon luftës kundër kanabisit dhe dekriminalizimit.

“Mos ta mendojë askush se po i bie vërdallë duke pasur parasysh dekriminalzimin apo kanabisin, problematika reale padyshim por sipas meje u frynë duke kaluar çdo cak e masë në sytë e veshët e botës. Duhet të thuhet sot se opozita luajti një rol real në shkundjen tonë karshi këtyre problematikave. Nëse sot ne jemi në një ofensivë totale dhe me rezultate të paimagjinueshme kundër kanabiasit e kotë të mohohet se edhe opozita pati kontributin e saj. Le të mos e debatojmë le ta marrim të mirëqenë si e mendoni ju, por le të provojmë që problemet t’i diskutojmë së bashku, ti zgjidhim një herë me durim e mirëbesim si përpiqemi të ndajmë raportime fakteve nga e verteta. Çfarë na pengon të hapim një dialog seriooz?”,-tha ndër të tjera Kryeministri Rama.