Kandidatja e PDIU, fjalim të fortë kundër Bashës: I pafytyrë, kur ti shërbeje me pantallona të shkurtra lokaleve të Holandës, babai im luftonte për PD!

Duket se deklarata e kreut të PD-së, Lulzim Basha, pak ditë më parë në Dibër, ku bëri thirrje të mos votohet për PDIU-në, ka marrë reagime të forta nga përfaqësuesit e kësaj partie.

Ka qenë kandidatja e PDIU-së në Dibër, Reme Lala, e cila i është përgjigjur ‘flakë për flakë’ akuzave të Bashës, ndërë të tjera edhe pretendimit se babai i saj ka tradhtuar PD-në.

[youtube url=”https://www.youtube.com/watch?v=5xpE_KJE_f4&feature=youtu.be” width=”560″ height=”315″]

“I them Lulzim Bashës erdhe në Dibër dy herë brenda pak ditësh, ku herën e parë ishe në shesh dhe pe një grusht të vogël njerëzish.

E pe se sa njerëz dolën për ty. Sot dole në lulishte të ndiheshe me i relaksuar, por prapë nga dëshpërimi jot dhe shkatërrimi që i ke bërë PD-së, që mua dhe të parëve të mijë na dhimbset shumë.

 Të siguroj se do ta mbrojmë ne Partinë Demokratike. Lulzim Basha, zure emrin e babait tim, ju jeni politikan, dhe si të pafytyrë që jeni se keni problem se zini emra familjarësh.

Po jeni edhe frikacak se pastaj kërkoni falje duke thënë mos na e merr për ters se bëjmë politikë.

Babai im është një luan, luani udhëton vetëm, jo në kotec si delet tuaja.

Kur ka luftuar dhe punuar babi im për PD-në, ti shërbeje me pantallona të shkurtra dhe papion në qaf në lokalet e Holandës.”, -u shpreh ajo.