Këshilltari i Trump në fushatën e PD

Në hapjen e fushatës së Partisë Demokratike në qytetin e Lezhës mori pjesë edhe kongresmeni amerikan, njëkohësisht këshilltar i Presidentit Trump, Bob Mcewen.

Duke folur para lezhianëve ai u shpreh se duhet të shkoni në çdo derë me qëllim që Lulzim Basha të bëhet kryeministër.

“Lufta që do bëni 28 ditët e ardhshme nuk është me plumba, është për votën. Nëse i doni fëmijët tuaj, nëse e respektoni veten tuaj në këto 28 ditë bëni çdo gjë keni mundësi, merrni çdo njeri, shkoni në çdo derë dhe mundësoni që Lulzim Basha të jetë kryeministër i Shqipërisë”, tha ai.