KFOR zbarkon në veri, merr në kontroll liqenin e Ujmanit (VIDEO)

Forcat e KFOR-it (Kosovo Force), prej së premtes kanë marrë nën kontroll liqenin dhe hidrocentralin e Ujmanit, afër Zubin Potokut në veri të Kosovës.

Ushtarët e KFOR-it, të armatosur rëndë janë vendosur në digën e liqenit dhe kanë bllukuar të gjitha rrugët që të çojnë për atje. Kjo lëvizje vjen pasi komunat serbe në veri kanë paralajmëruar shpalljen e pavarësisë më 5 Gusht, veprim që është kundërshtuar zyrtarisht si nga Serbia, ashtu edhe nga Bashkimi Europian.

Ndërsa të premten u mblodh Këshilli i Sigurimit në Kosovë dhe kryeministri Haradinaj bëri thirrje për gatishmëri, ndonëse theksoi se situata duket e qetë. Në Beograd mbledhja e Këshillit të Sigurimit të Serbisë, që pritet të diskutojë pikërisht për këtë çështje.