Komentuesit-Ramës: Shkarko ministrat teknik, po bëjnë namin

Kryeministri Edi Rama sot e ka nisur ditën duke publikuar në faqen e tij në Facebook një foto nga ndryshimi që ka pësuar Liqeni i Tiranës në krahasim me dy vite më parë pas investimeve që janë bërë.

“MIRËMËNGJES dhe ju uroj një ditë të mbarë me këtë imazh të bregut jugor të Liqenit të Tiranës më 2015 dhe sot” shkruan Rama.

Por komentuesit i kërkojnë që të shkarkojë sa më parë ministrat teknikë në qeveri, që erdhën me propozim të Bashës në bazë të marrëveshjes së 18 Majit.

“Shkarko ministrat teknik tani se deri ne shtator bëjnë namin me tendera e korrupsion” i shkruan një nga ndjekësit Ramës.

Ministrat sipas informacioneve në ditët në vijim pritet që të japin dorëheqjen pas një raporti që do të përgatisin për zgjedhjet e 25 qershorit, që do t’ia dorëzojnë OSBE-së.

Statusi i Ramës për ndryshimin te Liqeni i Tiranës