Komisionet e Vettingut, Basha propozon dy ish-ministra të Drejtësisë

Sot Partia Demokratike do rikthehet në Kuvend, pas një mungese prej 3 muajsh e kjo për të votuar pro ngritjes së komisioneve të Vettingut.

Ndonëse maxhoranca ka miratuar përbërjen e komisioneve ad hoc nga radhët e saj, mbeten emrat e propozuar nga opozita.

PD ka propozuar emrat e Oerd Bylykbashit, Eduard Halimit, Aldo Bumçit dhe Fatmir Mediut, si anëtarë të komisioneve të Vettingut.

Seanca e Kuvendit ku do të votohet ngritja e komisioneve të Vettingut do të zhvillohet sot në orën 18:00.