Kreu i LSI, Vasili: Shtyrja e zgjedhjeve në Kavajë në funksion të ç’tensionimit të situatës. Të vazhdojë dialogu

Vendimi i kreut të Partisë Socialiste Edi Rama për të tërhequr nga gara kandidatin socialist për Bashkinë e Kavajës, është përshëndetur edhe nga kryetari i Lëvizjes Socialiste për Integrim Petrit Vasili.

Përmes një reagimi për mediat, Vasili e cilëson këtë tërheqje si mundësi për ç’tensionimin e situatës, dhe në mënyrë që dialogu mes palëve të vazhdojë.

“Shtyrja e zgjedhjeve në Kavajë në funksion të ç’tensionimit të situatës dhje krijimin e qetësisë publike. Dialogu duhet të vazhdojë. Maturia në funksion të zgjidhjes politike të qëndrueshme. Dialogut i krijohet hapësira dhe qetësia e duhur. Zgjedhjet me standarde mbeten sfidë madhore pa kthim”- shprehet Petrti Vasili.