“Kryeministër që humb kohën në Facebook”, Rama-komentuesit: Mos fol me mua broçkulla…

Përmes nje fotoje në “Facebook” kryeministri Edi Rama ironizon kryedemokratin Lulzim Basha, pas paralajmërimit të këtij të fundit se nuk pranon zgjedhjet e 18 qershorit.

Në foto shfaqej Lulzim Basha të cilin Rama e shoqëronte me diciturën: ‘Një botë e re lulëzon gërmadhash’. Por ndjekësit i kanë tërhequr vëmendjen kryeministrit se humb kohën në Facebook, dhe nëse do të ishte në një shtet tjetër do shkarkohej brenda 24 orëve.

Komentuesi: Paramendo te humb kohen nje kryeministër në një shtet si zvicrra,qe kalon me orë të tëra në fecebook,çka do ti ndodhte,brenda. 24 ore do shkarkohej,,,flas edhe për ata te opozitës njëkohësisht, mjer populli që ju ka ju politikanve,,?

Replika e Ramës: Bekim, te flasesh me popullin tend eshte detyre nuk eshte humbje kohe dhe rri pa asnje merak, se kur u futa une ne tëitter ata politikanet ne Zvicer s’ishin futur akoma? Dhe sa per dijeni, po te shkruaj nga makina, nuk po e humb hic kohen miku im, keshtu qe mos e shfrytezo mundesine per te komunikuar me mua per te folur brockulla, po mbase flasim per ndonje gje te dobishme✌️