Kryeministrat e Ballkanit zbarkojnë në Durrës

Kryeministrat e Ballkanit Perëndimor do të zbarkojnë ditën e shtunë, më 26 gusht, në qytetin e Durrësit, ku do të zhvillojnë një takim joformal. Në fokus të këtij takimi do jetë procesi i integrimit të rajonit në familjen evropiane.

Të pranishëm mësohet të jenë edhe Komisioneri për Zgjerim dhe Fqinjësi të mirë, Johannes Hahn, si dhe kryetari i Bankës Botërore për Evropë dhe Azi Qendrore, Siril Miler.

Deri më tani pjesëmarrja është konfirmuar nga kryeministri i Maqedonisë, Zoran Zaev, ndërsa i pranishëm do të jetë edhe kryeministri Edi Rama.

Në takim do të mbahen edhe disa sesione pune me tema lidhur me bashkëpunimin rajonal dhe përforcimin e proceseve integruese të Ballkanit Perëndimor.