Kryeministri i Kosovës: Kosova pa diskutim do votonte si Presidenti Trump

Kryeministri i Kosovës Ramush Haradinaj deklaroi se “nuk e komentoj vendimin e shtetit shqiptar”, për të votuar kundër Amerikës dhe njohjes së Jeruzalemit nga Donald Trump, por nga ana tjetër deklaroi se vota e Kosovës do të ishte në një linjë me SHBA-të, nëse shteti i tij do të ishte anëtar i OKB.

“Ashtu si ka votuar presidenti Trump, ashtu do të votonte edhe ambasadori i Kosovës në OKB”, deklaroi Haradinaj në pyetjen se si do të votonte ambasadori i Kosovës në OKB, për rastin e Jerusalemit, pasi që Shqipëria votoi kundër. Si për ta bërë më të fortë reagimin e tij ai evokoi kujtime nga lufta e fundit kur shteti dhe lobi izraelit kishin ndihmuar çlirimin e Kosovës.

Reagimi i Haradinajt vjen menjeherë pas atij të presidentit Thaçi që gjithashtu kishte deklaruar një votë hipotetike pro Amerikës.