Ligji i mbetjeve, deputeti i PD-Ballës: U strukët në mbrojtje taktike

Kryetari i grupit parlamentar socialist, Taulant Balla bëri me dije se “nuk ka më projekt-ligj për dekoratat apo për mbetjet”.

Pas vendimit të PS-së, ka reaguar deputeti i PD-së, Ervin Salianji, njëherësh edhe sekretar i grupit parlamentar të PD-së, ku në një postim në facebook, shkruan se asgjë nuk ka ndryshuar, dhe se kjo do të jetë një lëvizje mashtruese për të manipuluar opinionin publik.

”Presioni popullor dhe reagimi masiv e struku në mbrojtje taktike qeverinë, duke lajmëruar se është tërhequr përkohësisht nga tradhëtia kombëtare për të helmuar Shqipërinë! Kjo është vetëm lëvizje mashtruese për të manipuluar opinionin publik, asgjë s’ka ndryshuar! Shqiptarët mund dhe duhet të vendosin vetë për fatin e tyre jo një grup njerëzish që po sillen si pushtues”, shkruan Salianji.