LIVE/ Rama mbledh Task-Forcën për kanabisin: Drejt zmbrapsjes totale të kultivuesve në të gjithë territorin

Politikë E Diel, 11 Korrik 2021 00:18

Kreu i qeverisë ka mbledhur këtë të hënë në Kryeministri grupin e Task Forcës, i cili po raporton situatën më të fundit të narko-trafikut në vend. Në njoftimin e kësaj mbledhjeje, Rama shprehet i bindur se situata është drejt zmbrapsjes totale të kultivuesve të kanabisit në të gjithë territorin e vendit dhe pastrimit përfundimtar të hartës së Shqipërisë nga njolla e këtij fenomeni kriminal. Në rend të ditës së kësaj mbledhjeje është diskutimi mbi sekuestrimin e aseteve kriminale dhe ndjekja, arrestimi e ndëshkimi ligjor i “të fortëve” në feudet e në llagëmet e drogës.

Njoftimi i mbledhjes nga Kryeministri në Facebook

Task Force raportim në Zyrën Operacionale të Situatës – Drejt zmbrapsjes totale të kultivuesve të kanabisit në të gjithë territorin e vendit dhe pastrimit përfundimtar të hartës së Shqipërisë nga njolla e këtij fenomeni kriminal. Në rend të ditës sekuestrimi i aseteve kriminale dhe ndjekja, arrestimi e ndëshkimi ligjor i “të fortëve” në feudet e në llagëmet e drogës ✌??