Luan Rama: LSI ka mision të mbrojë demokracinë. Vendi ka nevojë për opozitë

Lëvizja Socialiste për Integrim zhvillon sot Konventën Kombëtare Zgjedhore. Në Konventë marrin pjesë delegatët e LSI nga e gjithë Shqipëria për të zgjedhur Kryetarin dhe Zv.Kryetarin e ri të partisë.

Luan Rama tha se vota e 25 qershorit për LSI-në është votë besimi. Ai falënderoi 230 mijë votuesit që i dhanë LSI-së votën edhe në kushtet e një presioni të paprecedentë.

“Ne sot jemi më të bashkuar se kurrë. Ajo votë na jep garanci për të vazhduar luftën tonë në mbrojtje të demokracisë”,- tha Luan Rama.

Luan Rama tha se LSI do të jetë opozita reale e vendit. “Shqipëria ka nevojë për opozitë dhe ne do t’i përgjigjemi interesit të saj. Interesit të atyre 75 përqind që votuan kundër Rilindjes dhe një procesi të kriminalizuar zgjedhor”,- tha Luan Rama.

https://www.facebook.com/levizjasocialisteperintegrim/videos/1627869400559645/