Manjani kundër Hahn: Dole jashtë kompetencave, komisioneri s’i shkruan letra popullit

Ish-ministri i Drejtësisë Ylli Manjani ka dalë kundër letrës së eurokomisionerit Johannes Hahn për krizën politike.

I ftuar në emisionin “Opinion”, Manjani tha se Hahn doli jashtë detyrës së tij me letrën e hapur drejtuar qytetarëve shqiptarë.

Sipas Manjanit, komisionerët kanë punë me qeverinë dhe nuk mund ti drejtohen popullit.

“Nuk mund të bëjë komisioneri letra publike për t’i bërë thirrje popullit. Qeveria është autoriteti që përfaqëson popullin për komisionerët. Kjo është një letër e panatyrshme. Kjo është jashtë kostumit të tij”, ka deklaruar Manjani.