Manjani: Nëse demokracia është në shitje, pushteti blerësi më i madh

Ish-ministri i Drejtësisë, Ylli Manjani në një postim ironizues në Facebook shkruan se nëse demokracia, liritë dhe të drejtat themelore janë për shitje, pa dyshim që pushteti është blerësi më i madh.

“E në këtë rast pushteti-blerës është krejt legjitim të bëjë ç’të dojë me liritë dhe të drejtat që bleu! Është legjitim të sillet si me çdo plaçkë tjetër që blen”, shkruan më tej ish-ministri.

Sigurisht Manjani nuk ka harruar të urojë shqiptarët festës e Pavarësisë.

Postimi i Ylli Manjanit

Nëse demokracia; liritë dhe të drejtat themelore janë për shitje, pa dyshim që pushteti është blerësi më i madh. Sado të jetë çmimi!

Në këtë rast pushteti-blerës është krejt legjitim të bëjë ç’të dojë me liritë dhe të drejtat që bleu! Është legjitim të sillet si me çdo plaçkë tjetër që blen.

Kërkohet vetëm pak sinqeritet sa për të dalluar “shitësit” e lirisë dhe të drejtave nga ata që këto gjera i kanë të shenjta…

Ah se harrova, Gëzuar Pavarësinë!